ILOILO CITY – Organisado nga guns for hire ang ginalantaw sang kapulisan nga responsable sa asud-asud nga insidente sang pag-patay sa siyudad sang Iloilo.
Suno kay Police Regional Office 6 (PRO-6) director Chief Supt. John Bulalacao, kalakip sa ila person of interests sa kamatayon sang negosyante sang itlog pugo nga si Ranny Bebanco nga ginluthang sa Iloilo Terminal Market kag pag-patay sa tricycle driver sa La Paz, ang katapo sang gun for hire.
Indi naman madetalye ni Bulalacao kun diin nakabase ang amo nga grupo.
Apang naga-guwa sa imbestigasyon sang kapulisan suno kay Bulalacao nga isa lang ka grupo ang responsable.
Ginpanindugan naman sang PRO-6 director nga isolated case lang ang nasambit nga mga insidente kag wala sang dapat kabalak-an suno kay Bulalacao ang mga pumuluyo sang siyudad sang Iloilo.