Nakilala na ang gunman nga nagluthang kay former United States President Donald Trump samtang nagapatigayon ang rally sa Butler, Pennsylvania.
Ini amo si Thomas Matthew Crooks, 20, residente sang Bethel Park, Pennsylvania.
Suno kay Federal Bureau of Investigation (FBI) Pittsburgh Special Agent Charge Kevin Rojek, si Crooks, ang may kalayuon nga 200 tubtob 300 feet sa venue sang rally.
Gin-athag man sang federal investigators nga wala sang dala nga identification ang suspek sang ginhimo ang krimen.
Natumod lang ini sang gin-usisa ang iya DNA agud makakuha sang biometric confirmation sa iya identity.
Napatay man ang suspek sang Secret Service countersniper.
“It’s a matter of doing biometric confirmations, so there was no identification on the individual for example so we’re looking at photographs right now and we’re trying to run his DNA and get biometric confirmation.”
Nahibaluan nga si Trump ang nag-angkon sang pilas sa natuo nga dulunggan.
