ILOILO – Lunsay may tabon ang mga nawong sang mga suspek nga nagluthang sa pick up sang 4th Engineering District sang Department of Public Works and Highways (DPWH) sa Brgy. Bolong Oeste, Santa Barbara, Iloilo.
Sa exclusive interview sang Bombo Radyo sa witness nga si alyas Jun, iya ginpahayag nga duha ka mga lalaki nga nagasakay sa motorsiklo ang nagluthang sa salakyan sang DPWH.
Suno sa natungdan, ang angkas nga nakasuksok sang itom nga bayo nga naka short ang nagluthang sa salakyan nga ginasakyan ni Engr. Eva Bedonia nga amo ang pinuno sang Quality and Assurance Section sang 4th Engineering District sang DPWH kag ginamaneho ni Rogelio Cirilo Jr.
Samtang ang nagamaneho naman sang motorsiklo ang nagasuksok sang full face helmet.
Ginpahayag sang witness nga 20 tubtob 30 metros ang iya kalayuon sa crime scene.
Sa baylo nga mag-untat ang pick up suno sa natungdan, nagdali-dali ini nga magsulod sa opisina sang DPWH.
