Mahilig ka bala sa mga cosmetics?
Ini ang sekreto kun kaisa sang mga babaye agud mangin presentable kag maanyag lantawon.
Ang iban may mga skin care routine agud mangin makinis kag maputi ang ila nga supat.
Apang may isa ka instagram model sa Ukraine ang nangin unod sang balita bangud sa pagka-adik sa cosmetics tubtob nga naglab-ot sa punto nga nagkahilig na ini sa pagpa-inject sang mga kemikal agud mangin maanyag lantawon.
Kaangay sang iban nga mga babaye, luyag man nga ma achieve ni Anastasiia Pokreshchuk, 31 anyos, ang iya luyag nga nawong.
Wala naga konsulta sa doktor ang nasambit nga babaye sa baylo siya lang ang nag mato-mato inject sang hyaluronic acid sa iya nga nawong sa pagpati nga makapadugang ini sang kaanyag.
Bangud sa masami niya nga pag-inject sang amo nga kemikal sa iya nga nawong, naghabok ang iya nga guya kag mangin ang iya nga bibig.
Apang apisar sini, nangin in-love sa gihapon si Anastasiia sa iya bag-o nga looks kag nagpahayag nga padayon pa siya nga maga-inject sang mga kemikal sa iya nga lawas.
Nakahibalo man si Anastasiia nga indi tanan nga tawo ang makahangop sa iya obsession sa cosmetics bangud mismo ang iya iloy ang nagapati nga nag buang na ini.
