Naghina na ang southwest monsoon ukon ang Habagat apang magapadayon ini sa pagdala sang pag-ulan sa pila ka parte sang Pilipinas.
Suno sa alas singko sa kaagahon nga forecast sang Philippine Atmospheric, Geophysical and Astronomical Services Administration (PAGASA), indi na ini tam-an ka baskog kaangay sa nabatyagan sang nagligad nga mga inadlaw.
Magatupa gihapon suno sa weather bureau ang pag-ulan sa western section sang pungsod.
Padayon man nga gina-monitor ang isa ka bagyo sa gwa sang Philippine Area of Responsibility (PAR). Ini ang may international name nga Peilou nga subong yara sa Tropical Storm category.
Ulihi ini nga nakit-an sa kalayuon nga 3, 325 km nasidlangan sang Extreme Northern Luzon.
Pahayag pa sang PAGASA, manubo ang tyansa sini nga magsulod sa PAR, kag nagapalayo subong sa landmass sang Pilipinas.#
