Opisyal na nga gindeklarar sang Philippine Atmospheric, Geophysical and Astronomical Services Administration (PAGASA) ang pagsugod sang Habagat ukon southwest monsoon sa Pilipinas.
Sandig sa abiso sang state weather bureau, ginhimo ang anunsyo kasunod sang nagapadayon nga low-level southwesterly winds kag Frontal System sa madamo nga parte sang Pilipinas. Ginadugang man sa rason ang paghina sang earterlies.
Sa sini nga season, lauman ang masami nga pag-ulan-ulan, ilabi na sa western section sang Pilipinas; apang may yara man sang ginatawag nga monsoon breaks.
Ang pag-umpisa sang Habagat suno sa bureau ang mahimo man sundan sang opisyal nga pag-umpisa sang rainy season sa masunod nga duha ka semana.
Ginapahanumdom sa tanan nga maghalong gid sa epekto sang Habagat kaangay sang baha kag paghuyang sang duta bangud sa sunod-sunod nga pag-ulan.
(Photo: Metro News Channel)
