Aprubado sa third and final reading sa House of Representatives ang hagna nga magahatag sang trabaho sa mga senior citizens.
Ini amo ang House Bill 10985 ukon ang Employment Opportunities for Senior Citizens and Private Entities’ Incentives nga may tinutuyo nga maghatag sang employment opportunities sa mga mal-am sa pungsod.
Nalakip sa hagna amo ang pagdugang sang incentives sang mga senior citizens sa pribado nga mga kompanya.
Pila sa authors sang bill ang mga senior citizens man nga sanday Reps. Rodolfo “Ompong” Ordanes (chairman of the Committee on Senior Citizens Affairs), Sergio Dagooc (APEC party-list), Salvador Pleyto Sr. (Bulacan 6th District) kag Bro. Eddie Villanueva sang Citizens Battle Against Corruption Party-list.
Kun mapirmahan bilang layi, amyendaran sini ang Republic Act 7432, ukon “An Act to Maximize the Contribution of Senior Citizens to Nation-Building, Grant Benefits and Special Privileges” nga nangin layi sang 1992 sa idalom ni anay President Cory Aquino.
Ang bill nagamando sa Department of Labor and Employment (DOLE) paagi sa Public Employment Service Offices (PESO) nga maghatag sang impormasyon kag matching services sa senior citizens nga may kapasidad kag interes nga magtrabaho ukon mangita liwat sang ubra.
