Nag-propose si House Committee on Ways and Means chairperson kag Albay Representative Joey Salceda sang hagna nga buhinan ang excise tax sa produktong petrolyo sa sulod sang anum ka bulan.
Sa iya pag-file sang House Bill 10438, ginpahayag sang mamalidha nga ang pagbuhin sa excise tax sa fuel products ang dapat nga ipatuman umpisa sa December 1, 2021 tubtub sa June 1, 2022.
Suno kay Salceda, ang padayon nga pagsaka sa presyo sang fuel products amo ang seryoso nga makapugong sa pagbangon sang ekonomiya kag sa price stabilization.
Ginpahayag man sini nga ang diesel kag kerosene ang dapat nga ma-exempt sa excise tax sa sulod sang anum ka bulan.
Ang excise tax sa gasolina ang dapat man nga buhinan halin sa P10 per liter panubo sa P7 per liter.
Ginpahayag sang Bicolano lawmaker nga ang iya nga recommendation amo ang most fiscally sustainable ipaanggid sa iban nga mga proposals.
Kadungan sini, naghingyo man si Salceda sa Department of Energy (DOE) nga istriktuhan pa gid ang monitoring sa presyo sang petroleum products.
