Aprubado na sa third and final reading sa Senado ang hagna nga ginduso agud maghatag sang libre nga funeral services sa mga pigado nga pamilya nga mamatyan sang himata.
Nakakuha ang Senate Bill No. 2965 sang 22 affirmative votes, zero negative vote, kag zero abstention.
Ang sponsor sang bill amo si Senator Imee Marcos.
Ihatag ini nga bulig sa mga pamilya nga yara sa crisis situations nga pagatumuron sang Department of Social Welfare and Development (DSWD).
Lakip diri ang indigent families ukon ang mga apektado sang kalamidad ukon emergency circumstances nga rason kun ngaa indi sila makasarang sang disente nga lubong.
Lakip sa ipakita sang pamilya ukon ila representative amo ang:
- Valid identification card sang claimant ukon beneficiary;
- Death certificate nga gin-isyu sang ospital ukon city/municipal health office, ukon sertipikasyon halin sa tribal chieftain;
- Funeral contract nga pirmado sang representative sang pamilya sang patay, funeral establishment, kag authorized DSWD personnel; kag
- Social case study nga ginpreparar sang registered social worker
Ang maga-implementar sini amo ang DSWD samtang ang Department of Trade and Industry (DTI) ang maga-monitor kag maga-regulate sang presyuhanay sa pagpalubong lakip na ang presyo sang lungon.
