ILOILO CITY – Aprubado na sa second reading ang House Bill 6772 nga nagapahanugot sa presidente sang Pilipinas nga mag-suspend sang saka sa premium payments sa Philippine Health Insurance Corporation (PhilHealth).
Suno sa Congressional fact sheet, ang hagna ang may katuyuan nga maghatag sang gamay nga ginhawa sa mga direct contributors sang Philippine Health Insurance Corporation sa tion sang national emergencies ukon mga kalamidad.
Sa amo nga hagna, ang presidente base sa rekomendasyon sang Philippine Health Insurance Corporation board, ang may otoridad nga mag-suspend sang scheduled increase sang premium payments kag mag-adjust sang period of implementation.
Ang House of Representatives ang magaboto na sa masunod nga semana para sa final approval.
