Hagna sa pagtukod sang plasma banks sa mga ospital sa Pilipinas, ginaduso

Na-file na ang hagna sa Senado nga nagaduso sa pagtukod sang plasma banks sa tanan nga publiko kag pribado nga ospital sa

Pilipinas agud ma promote ang plasma donation para sa Coronavirus Disease 2019 (COVID-19) patients samtang wala pa sang bakuna nga makatapna sa virus.

Ang Senate Bill 1648 ukon proposed Plasma Donation and Collection Act ang makabulig sa madasig nga pag-ayo sang mga pasyente nga naga-suprer sang COVID-19.

Suno kay Senator Imee Marcos, dako ang mabulig sang plasma sa pagbulong sa mga pasyente sa diin ini man ang gingamit sadto sa Ebola outbreak sa Africa.

Pahayag pa sang senador, kinahanglan nga mangin handa ang publiko sa malawig pa nga huol tuga sang pandemya bangud apisar ang mga medical experts ang indi makahambal kun tubtob san-o magalawig ang COVID-19 pandemic, kun pila pa ka mga kaso sang impeksyon ang madugang kag kun san-o pa makakita sang bakuna bilang bulong sa balatian.

Sa idalom sang hagna, tanan nga publiko kag pribado nga ospital sa pungsod ang kinahanglan nga may pasilidad agud ma kolektahan kag ma tiponan sang plasma.