ILOILO CITY – Agaw atensyon sa Dinagyang Festival 2018 ang performance sang invited nga mga performers nagikan sa South Korea kag New Zealand.
Antes ang pagsugod sang performance sang mga competing tribes, una nagpasundayag ang South Korean group sa ila tradisyunal nga performing arts sang amo nga pungsod.
Ang grupo ang nagatiglawas sang Anseong Namsadang Baudeogi Festival.
Nahibaluan nga ang nasambit nga festival ang ginkilala na sang UNESCO bilang official festival sang South Korea.
Ginpalakpakan naman ang presentation sang Ti Amiorangi group sang Ruapotaka Marae community gikan sa Auckland, New Zealand.
Ini ang grupo sang mga Maori gikan sa Auckland, New Zealand.
Ginpakita sang mga ini ang Haka dance, ang tradisyunal nga war dance sang Maori nga ginkalipay naman sang mga tumalan-aw.