GUIMARAS – Ginkumpirma ni Vice Gov. John Edward Gando nga ginagamit bilang quarantine facility sang repatriated Overseas Filipino Workers ang Halfway House and Training Center sang Parole and Probation Administration sa Brgy. Lanipe, Nueva Valencia, Guimaras.
Sa nasambit nga quarantine facility, nagatinir lamang sa sulod sang isa ka building ang mga Overseas Filipino Workers kag wala sang separator ang ila ginatulugan kag isa lang ka comfort room ang ila nga ginagamit.
Sa interview sang Bombo Radyo kay Gando, iya ginpahayag nga matuod nga wala sang kaugalingon nga hulot ang tagsa ka Overseas Filipino Worker kag isa lang ka comfort room ang ila ginagamit.
Suno kay Gando, iya nga ipalab-ot sa Provincial Health Office ang tuhoy diri agud nga maplastar sang maayo kag malimitahan ang posibilidad nga may yara sang local transmission sang virus.
