Halit kag perwisyo nga natuga sang depektibo nga Ungka flyover, ginareklamo sang mga pumuluyo

ILOILO – Ginakabalak-an sang mga residente sang Barangay Ungka, Pavia, Iloilo ang halit nga natuga sang pagbinaha sa Ungka Flyover.

Sa interview sang Bombo Radyo kay Leyte Mesa, residente sang lugar, iya ginpahayag nga umpisa sang gintukod ang flyover, masami nga ginabaha ang ila lugar sa tion nga magbubu ang mabaskog nga ulan.

Suno kay Mesa, tuman man ka apektado ang mga pasahero nga nagapangahilid lang agud indi mabasa sang tubig baha.

Nagpanawagan naman ang natungdan sa in-charge sang flyover nga mahatagan sang igtalupangod ang reklamo sang mga residente.