Patay ang duha ka mga indibidwal nga ginapahayag gin-anod sang mabaskog nga tubig-baha sa Dumalag, Capiz kag Salong, Balasan, Iloilo kasunod sang pag-igo sang tropical depression Lannie.
Sa interview sang Bombo Radyo kay Ms. Cindy Ferrer, Spokesperson sang Regional Inter-Agency Task Force (RIATF), iya ginpahayag nga 64 anyos nga lalaki ang ginapahayag gin-anod sang tubig-baha samtang naga-harvest ini sang pananum nga mais sa Dumalag, Capiz.
Gina-imbestigahan pa ang matuod nga gintunaan sang kamatayon sang 2 ka casualties.
Suno kay Ferrer, 7 naman ka pamilya ang gin-evacuate sa Mambusao, Capiz kasunod sang mataas nga tubig baha kag 51 naman ka pamilya ang gin-evacuate man sa Barangay Dagsaan, Buenavista, Guimaras bangud sa landslide sa lugar.
Samtang, narekord ang kapin P375,000 nga halit sa mga pananom sa San Rafael, Iloilo kag masobra P1.3 Million nga halit man sa mga pananom sa Pototan, Iloilo.
