Nagdangat sa P12.38 million ang halit nga gintuga sang bagyo Fabian kag sang hangin habagat sa sektor sang agrikultura.
Suno sa Department of Agriculture, 885 ka mga mangunguma ang apektado kag 228 metric tons nga volume sang produksyon sang humay ang nadula nga sakop sang 906 hectares sang agricultural areas sa Central Luzon, CALABARZON kag Western Visayas.
Dugang pa sang ahensya, ang mga apektado nga commodities ang ginalakipan sang bugas, mais, high-value crops, kag livestock.
Nakahanda naman ang 104,471 bags sang rice seeds; 11,390 bags sang corn seeds kag 1,949 kilograms sang utan para sa mga mangunguma kag manugpangisda nga apektado sang weather disturbances.
