Mumbai, India – Halos 100,000 ka tawo lakip na ang ginabanta sa 150 ka mga pasyente sang Coronavirus Disease 2019 ang ginpang evacuate sa Mumbai, India kadungan sang paglaslas sang bagyong Nisarga.
Suno sa Chief Minister sang estado sang Maharashtra nga capital sang Mumbai, ginpang evacuate naman ang mga pumuluyo nga malapit sa baybay ang mga panimalay.
Sa distrito naman sang Palghar, masobra sa 21,000 ka mga pumuluyo ang ginpang evacuate.
Ginalauman man nga maga igo ang bagyo sa kaiping nga estado nga amo ang Gujarat sa diin halos 79,000 ka tawo ang kinahanglan nga i-evacuate.
Nahibaluan nga una na nga gin igo sang bagyo nga Amphan ang Eastern India kag Bangladesh sang nakaligad lang nga bulan sa diin masobra sa 100 ka tawo ang nagkalamatay.
