ILOILO CITY – Balantayan sa bulan sang Marso ang hampang ni Mark Magsayo para sa isa ka world title.
Makasambuwa ni Magsayo ang anay World Boxing Council featherweight king nga si Brandon Figueroa para sa WBC interim featherweight championship.
Ang away ang magaserbe nga main event sa isa ka Showtime card nga hiwaton sa Marso 4 sa Toyota Arena sa Ontario, California.
Kung matandaan, ginbuy-an ni Magsayo ang korona pinaagi sa isa ka narrow split-decision loss batuk kay Rey Vargas sa pihak sang isa ka knockdown niya batuk sa Mexican boxer.
Magasambuwa man sa kaangay nga card ang iya kasimanwa nga si Jonas Sultan.
Makasumpong ni Sultan ang anay 2-time bantamweight title contender kag anay International Boxing Federation champion nga si Javier Mendoza sang Mexico.
Apisar wala sang titulo nga nakalinya para sa ila 10-rounder bout, ginalauman nga dako ang mangin epekto sini sa iya ranggo sa bantamweight class.
