ILOILO CITY – Wala na gintapos pa ang hampang sa Baseball Secondary matapos nga may yara sang indi pag-intindihanay sa tunga sang delegado sang Anilao, Iloilo, Barotac Viejo, Iloilo kag sang sports officials.
Sa interview sang Bombo Radyo kay Artemio Lunaspe, tournament manager sang Baseball, iya ginpahayag nga indi kuntento ang delegado sang Anilao sa nangin dalagan sang hampang.
Suno kay Lunaspe, nag-ugat ang indi pag-intindihanay sang ginkwestyon sang Barotac Viejo ang desisyon sang Umpire pabor sa Anilao.
Ginpahayag ni Lunaspe nga bilang tournament manager, iya nga gin-imbestigaran ang natabo tubtub nga iya nadesisyunan nga i-revoke ang desisyon sang Umpire.
Bangud nga madamu na ang nagsawsaw sa pagdesisyon, nag-umpisa na sa pagpangakig tubtub nga nag walk out ang mga atleta kag coach sang Anilao.
Ginakabig naman sang natungdan nga unsportsmanlike ang natabo kag ginpauntat ang hampang pabor sa Barotac Viejo.
