ILOILO CITY – Nagtapos sa draw ang hampang sa tunga sang Philippine Azkals kag Indonesia sa 2026 FIFA World Cup Qualifiers sa Rizal Memorial Stadium, 1-1.
Matapos ang goalless sa 2-0 loss sa Vietnam sang Huwebes, gin-deliver ni Patrick Reichelt ang naga-isahanon nga goal sang Pilipinas sa atubang sang 9,880 nga crowd.
Nagtapos ang first half sa score nga 1-0.
Sa second half, ginhatagan sang yellow cards sanday Santi Rublico kag Kevin Ingresso bangud sang tense moment sa ila kontra.
Sa 69th minute, gin-deliver ni Saddil Ramdani ang goal para sa Indonesia nga nagpapatas sang hampang.
Madamo pa sang opurtunidad para sa Pilipinas nga wala na-convert sa goal.
Ginkadismaya naman ni head coach Hans Michael Weiss ang resulta sang World Cup Qualifiers.
Sunod nga atubangon sang Pilipinas ang Iraq sa Marso 2024.
Liwat nila nga makasumpong ang Indonesia kag Vietnam sa Hunyo sa masunod nga tuig.
Ang duha lamang ka top teams sa grupo ang maga-advance sa third round sang World Cup Qualifiers kag maka-book pa sang slot para sa 2027 AFC Asian Cup.
