BATAD, ILOILO – Boluntaryo nga nag sungka sa kapulisan ang senior citizen nga suspek nga naglabo-patay sa 23 anyos nga lalaki sa Barangay Bulak Sur, Batad, Iloilo.
Ang biktima amo si Dione Dellomes, 23, residente sang Canas, San Dionisio, Iloilo samtang ang suspek naman amo si Recanor Valdevieno, 62, sang Brgy. Bulak Sur, Batad.
Sa interview sang Bombo Radyo kay P/Staff Srgnt. Francis John Aricaya, imbestigador sang Batad Municipal Police Station, iya ginpahayag nga nagpadulong ang suspek sa kamalig sang biktima.
Samtang nagakatulog ang biktima, ginlabo ini sang suspek sa tiil gamit ang 24 pulgada nga binangon apang nakabugtaw si Dellomes kag nakadalagan padulong sa talamnan.
Bangud nga may yara na ini sang pilas sa tiil, mabudlay na para sa biktima ang pagpadalagan sa diin natumba kag nadanlog ini sa tunga sang talamnan rason nga nalab-ot siya sang supsek kag gin hatok-hatok labo.
Suno kay Aricaya, bangud sa patal nga pilas nga naangkon sang biktima sa tiil, tyan kag ulo, ginbawian ini sang kabuhi.
Base naman sa panaysayon sang suspek, ginadudahan niya si Dellomes nga nagapanguha sang utan sa iya nga talamnan rason nga iya ini ginlabo.
