Wala ginpaboran sang Court of Appeals (CA) ang motion for reconsideration sang anay Bamban, Tarlac City Mayor nga si Alice Guo, kaangot ini sa una nga pagbasura sang iya petsiyon para sa writ of habeas corpus.
Ginpahayag sang CA nga indi insakto nga remedyo ang habeas corpus sa kaso sang anay Mayor bangud nakadetain ini subong, sandig sa desisyon sang korte sang Oktubre 5.
Madumduman nga ginsentensyahan nga ‘guilty’ si Guo paagi sa kaso nga qualified human-trafficking kaangot sa isa ka POGO hub sa Bamban.
Ginpat-od naman ni Guo nga ilegal ang pagdakop sa iya kag nakasandig sa unconstitutional findings ang deportation proceedings, apang, ginagamit ang writ of habeas corpus agud nga mapagwa ang mga indibidwal nga ilegal nga naaresto.
Suno man sa korte, wala sang nalapas sa constitutional rights ni Guo, kaangay sang iya nga karapatan sa speedy trial kag kahilwayan, kun sa diin magahatag ini sang rason base sa pag-issue sang writ.
Sa karun, nagapabilin nga napriso si Guo sa Correctional Institution for Women sa Mandaluyong.
Text by: Bombo Kenea Dellaba
