Balantayan na 8:30 subong nga aga oras sa Pilipinas ang Game 1 sa 2025 National Basketball Association (NBA) finals sa tunga sang Oklahoma City Thunder kag Indiana Pacers.
Ini nga championship tilt sa tunga sang duha ka teams ang pangunahan sang ascending stars nga sanday Shai Gilgeous-Alexander sang Thunder kag Tyrese Haliburton sang Pacers.
Patigayunon ini sa home court sang Thunder sa Paycom Center sa Oklahoma City, Oklahoma, United States.
Ini ang una nga finals appearance sang OKC halin sang 2012. Nahimo nila ini paagi sa 4-1 series win batok sa Minnesota Timberwolves sa Western Conference finals.
Samtang, antes nakaabot sa Oklahoma, literal nga nangin mabudlay ang inagyan sang Pacers bangud sa tornado warning sa kapital nga syudad rason nga naghugpa anay ang eroplano sa Tulsa, Oklahoma.
Ini naman ang una nga tion nga naka-abante sila sa final round sa NBA. Nahimo nila ini matapos ginlutos ang Milwaukee Bucks, ang Cleveland Cavaliers, kag ang New York Knicks sa East.
Sa injury report, si Nikola Topic lamang ang indi makahampang sa Thunder. Sa Pacers, wala si Jarace Walker amo man si Isaiah Jackson; samtang kwestyonable pa kun maka-upod si Tony Bradley.
