Balantayan 8:00 subong nga aga oras sa Pilipinas ang Game 5 sa tunga sang Oklahoma City Thunder kag Minnesota Timberwolves sa NBA West Conference finals.
3-1 na subong ang serye, kag pananglitan magdaog pa gid ang Thunder, magasulod na sila sa finals kag magahulat sa magadaog sa Eastern Conference finals sa tunga sang New York Knicks kag Indiana Pacers.
Kun mahimo nila ini, ini ang ila mangin labing-una nga finals appearance halin sang 2012.
May homecourt advantage man ang Thunder bangud patigayunon ang Game 5 sa Paycom Center sa Oklahoma City.
Nagapanguna sa Thunder ang MVP nga si Shai Gilgeous-Alexander kun sa diin upod sini sanday Jalen Williams kag Chet Holmgren.
Si Nikola Topic lamang ang nakalista nga yara sa injury report; samtang wala naman sang injured player sa Timberwolves.
Kun makaluwas si Anthony Edwards kag ang Timberwolves subong nga adlaw, magabalik ang hampang sa Minnesota para sa Game 6.#
