Kun may mga nagabulagay sa showbiz, may ara man sang mga in love, kag gusto nila nga mahibaluan ini sang kalibutan!
Halimbawa amo ang sexy actress nga si Yassi Pressman kag si Camarines Sur Governor Luigi Villafuerte.
Gin-post sang aktres ang pictures sa isa ka local fashion event sa National Museum of the Philippines. Caption sini: “a beautiful night of love [emojis] swipe to the end for a kilig surrrpwiiz [emojis]”
Sa last slide, makit-an ang duha nga naga-share sang sweet kiss samtang may pa-Fireworks pa kag kanta nga “A Sky Full of Stars” sa ila background.
Wala pa sang opisyal nga kumpirmasyon gikan sa duha kun ano ang ila relasyon, apang sang nagligad nga tuig, ginsiling ni Yassi nga yara sila ni Luigi sa ‘getting to know each other’ stage kag masami man sila naga-updanay.
Imbukada sang 2024, magka-upod man sila nga nagbyahe sa Vietnam.
Matandaan nga na-engage na anay si Yassi sa entrepreneur nga si Jon Semira, apang nagbulagay sang Agusto 2023.
