ILOILO CITY- Subong nga adlaw, ipakilala ko sa imo ang isa ka hari halin sa isa ka nasyon apang sang nagpadulong ini sa iban nga pungsod, ang trabaho sini isa ka hardinero.
Ini amo si Eric Manu, hari sang isa ka tribu sa West Africa.
Nagpadulong ini sa Canada agud magtrabaho kag ang iya ginsudlan amo ang pagka- hardinero.
Suno kay Manu, nagtrabaho ini sa Canada agud magtipon sang kwarta kag mga supply para sa iya village.
Nagapati siya nga ang isa ka maayo nga hari ang nagapakita sang pagkamapainubuson kag pagpalangga sa iya mga nasakupan.
Si Manu ang padayon nga nagatrabaho sa Canada agud makatipon naman sang kwarta para sa pag-improve sang healthcare sang iya mga pumuluyo.
