Hari sang live streaming sales sa China, mas madamo ang mabaligya nga produkto sa sulod sang 12 ka oras ipaanggid sa mga mall

Subong nga may pandemya, nagakadapat nga may yara ikaw sang inisyatibo agud nga makapangita sang kwarta.

Madamo subong ang nagsulod sa mga online business, humalin sa pagbaligya sang mga pagkaon, tubtob sa mga appliances kag gadgets — ini tanan ang imo makit-an sa mga facebook kag iban pa nga social media platforms.

Apang didto sa China, may yara sang online personality nga naga live stream sang iya mga baligya.

Mapati ka bala nga mas madamo pa ang iya mabaligya nga produkto sa isa ka adlaw ipaanggid sa mga mall sa sulod sang 12 ka bulan?

Siya si Xin Youzhi ukon mas kilala nga Xinba — pinaka-popular nga web personality sa China amo man ang pinaka-successful nga live stream seller.

Kun negosyante ikaw, dapat nakahibalo ka gid magganyat sa mga customer gani diri nahulog ang buot sang mga tawo kay Xinba kag sa pagkamatuod madamo na ini sang mga fans.

Sa sulod lang sang 12 ka oras nga live streaming, makabaligya si Xinba sang mga produkto balor $300 million ukon P14 billion.

Gani kun luyag niyo man nga mangin kaangay ni Xinba, indi madulaan sang paglaom sa pagpamaligya online bangud kun mapisan ikaw, pila ka adlaw mabaylohan gid ang imo pagbaka-baka.