Gindala na nanday anay US President Donald Trump kag Vice President Kamala Harris ang ila presidential campaigns sa battleground states sa Estados Unidos sang Amerika.
Ang 78-anyos nga Republican leader ang naghiwat sang rally sa Nevada kun sa diin nagtutok ini sa problema sa ekonomiya lakip na ang inflation.
Ang 59-anyos naman nga Democrat candidate nga si Harris ang nagkadto sa Pennsylvania nga amo ang ginakabig nga pinaka-crucial nga swing state nga amo ang ginalantaw nga maga-determina sang winner sa presidential elections.
May ginhanda man nga taped interview sa Democratic vice president sa Philadelphia nga amo ang pinakadaku nga syudad sa amo nga state.
Pito ka semana na lang ang nabilin antes ang eleksyon.
Matandaan nga pareho nga nagdeklarar sang kadalag-an ang kampo nanday Trump kag Harris matapos ang ila una nga 90-minute debate sa ABC News sa Philadelphia. Pagkatapos sang amo nga debate, nagpangindi na si Trump sa isa pa ka hugnat kag nagpahayag nga dapat magtutok na lang si Harris sa iya trabaho bilang vice president, samtang nagsabat naman si Harris nga may salabton sila sa publiko nga isa pa gid ka presidential debate.
