Ginabantayan na ang pinakauna nga pag-atubangay nanday Vice President Kamala Harris kag former President Donald Trump sa isa ka presidential debate may kaangtanan sa nagahilapit nga November 5 election.
Ang debate ginakabig nga crucial moment sa 2024 campaign, ilabi na subong nga halos patas sila sa survey.
Posible gamiton ni Harris ang 90-minute debate bilang oportunidad nga maghatag sang dugang nga detalye sa iya campaign promises.
Sa bahin ni Trump, ginalauman nga mapakita sini ang iya “happy” version.
Patigayunon ang debate sa Philadelphia National Constitution Center kag i-broadcast live sa ABC channels umpisa las-nueve sa gab-i oras sa US.
Ini ang una nga tion nga magakitaay sang personal ang duha.
Bangud wala pa nahisugtan ang ikaduha nga debate, ini ang possible katapusan man nga pagkitaay sang duha antes ang eleksyon.
