Ginpasalamatan ni anay Presidential spokesperson Atty. Harry Roque ang House Tri-committee kag vlogger nga si Pebbles Cunanan bangud nga may yara na ini sang ebidensiya nga magamit para ma-facilitate ang iya nga asylum application sa Netherlands.
Ginhimo ni Atty. Roque ang pahayag matapos gintudlo ni Cunanan, nga ginatawag man nga Pebbles Talakera, sa pagpadayon sang hearing sang committee kahapon , Abril 8 nga ang anay Presidential spokesman ang utok sa pagpalapta sang kontrobersiyal nga “polvoron video” nga nagapakita sang ginaalegar ng paggamit ni Presidente Ferdinand Marcos Jr. sang iligal nga droga.
Suno kay Atty. Roque, ang ginapatigayon nga hearing sang Tri- Comm ang magapakita nga ang polvoron video ang rason kun ngaa siya ginatum-ok humalin sang nagsugod ang hearing sang House Quad Comm.
Ginkadlawan man ni Roque si Cunanan kag nagsiling nga naluoy siya diri bangud kaangay nga napilitan ini nga magbinutig kabaylo sang ano man nga pabor.
