Gintawag ni anay presidential spokesperson Harry Roque nga isa ka “lame duck” ukon inutil nga lider si Presidente Ferdinand Marcos Jr. matapos ang resulta sang 2025 midterm elections.
Sa partial results sang eleksyon, tatlo sa mga nakasulod sa “Magic 12” sang senatorial race ang mga kandidato nga suportado ni anay Presidente Rodrigo Duterte.
Bilang sabat, ginpahayag ni Palace Press Officer Claire Castro nga kun lame duck ang presidente kag kun balewala na ang administrasyon, dapat magpauli gilayon si Roque sa pungsod.
Yara sa Netherlands si Roque agud magpangayo sang political asylum bangud sa ginakabig niya nga political persecution sa Pilipinas.
