Naghakot sang pasidungog ang English singer-songwriter nga si Harry Styles sa 2023 Brit Awards ukon ang highest pop music honors sa Britanya!
Nadag-an sang 29-anyos nga pop icon ang apat ka categories kun sa diin nominated ang iya pangalan.
Ini amo ang coveted album of the year para ‘Harry’s House’; song of the year para sa hit nga “As It Was”; best pop/R&B act; kag artist of the year.
Sang nagligad lang nga semana, matandaan nga nagdaog man si Harry sang duha ka Grammy awards lakip na ang “album of the year.”
Isa man sa natalupangdan sa awards subong nga tuig amo nga wala sang babayi nga nominated sa gender-neutral Artist of the Year nga category.
Gani sa iya speech, gin-dedicate ni Styles ang iya nga artist of the year award sa lima ka babayi nga British pop stars nga wala na-nominate.
Sa sini nga kadalag-an, ginpasalamatan man ni Harry ang iya pamilya, iya iloy, kag ang iya bandmates sa One Direction nga sanday Niall Horan, Louis Tomlinson, Liam Payne kag Zayn Malik. ##
