Hulaton anay sang Department of Agriculture (DA) nga matapos na ang harvest season sa bombay antes tun-an kun kinahanglan nga mag-import.
Marso tubtub Abril ang peak sang harvest sa sini nga produkto gani suno kay DA Spokesperson Assistant Arnel De Mesa, lantawon anay ang kabug-usan nga maani antes ang pag-rekomendar sang importasyon [kun kinahanglanon].
Una na nga ginpahayag sang Philippine Chamber of Agriculture and Food Inc. nga posible nga mag-import ang Pilipinas sang tubtub sa 60,000 metric tons sang bombay bangud daku ang halit sang harabas ukon armyworm infestation sa mga plantasyon diri sa pungsod.
Apang suno naman sa DA, 18 ka ektarya lamang sa 10,000 hectares sang onion plantations sa Central Luzon ang nakaangkon sang total damage bangud sa harabas nga ginpalala pa sang El Niño.
Sa latest nga monitoring sang ahensya, ang market price sang pula ka puti nga bombay ang nagatupa na sa P80 nga P20 nga mas manubo ipaanggid sa P100 nga na-monitor sang nagligad nga semana.#
