GUIMARAS- Ginaproseso na sa sang Guimaras Provincial Government ang dugang nga Hazard Pay sang medical workers kag iban pa nga frontliners.
Sa interview sang Bombo Radyo kay Guimaras Vice Governor John Edward Gando, iya ginapahayag nga ginakumpleto na lang ang attandance kag schedule sang frontliners agud mahatag na ang Hazard Pay.
Sa bahin naman sang health workers nga yara sa hospital, may yara na sila nga daan sang Hazard Pay kag santo sa guidelines sang Department of Budget and Management, kinahanglan nga magpili kun Magna Carta for Hazard Pay ukon Government Issuances ang iga-avail.
Sa bahin naman sang Philippine Red Cross kag iban pa nga ahensya, ang ila lang mahatag suno kay Gando amo ang incidental kag transportation allowance.
Ang mga casual kag permanent employees sang Guimaras Provincial Government nga katapo sang monitoring team ang nahatagan na sang Hazzard Pay para sa bulan sang Marso samtang ang para sa Abril ang ginaproseso pa sa subong.
Ginahulat pa nila suno sa Bise Gobernador ang issuance sang Department of Budget and Management sa mangin Hazard Pay para sa bulan sang Mayo.
Sa tion nga mabaton na nila ang panibag-o nga issuance, gilayun nga iproseso kag ihatag ang Hazard Pay.
