ILOILO CITY – Mahimo nga makatuga sang nanari-sari nga balati-an sa mga tawo nga may yara sang sensitive nga ikaayong lawas ang haze.
Ini ang kasunod sang ginpaguwa nga abiso sang Department of Science and Technology nga nakalab-ot na sa Visayas ang Haze gikan sa Indonesia.
Sa interview sang Bombo Radyo kay Dr. Bernard Caspe, City Health Officer, iya ginpahayag nga ang haze ang mahimo nga makatuga sang skin allergy, eye irritation kag respiratory illness sa mga tawo nga madali tapikan sang balati-an.
Suno kay Dr. Caspe, mahimo nga magsuksuk sang face mask, sunglasses, long sleeves, pantalon kag maggamit sang payong sa tion nga magguwa sa balay.
Mas makapaayo man suno kay Dr. Caspe kun likawan ang pagguwa sa balay kun wala man lang sang importante nga transaksyon.
Ang haze ang isa ka atmospheric phenomenon sa diin ang yab-ok, aso kag iban pa nga dry particulates ang naka-apekto sa katin-aw sang langit kag sang palibot.
