๐ฃ๐๐ฆ๐ฆ๐ ๐๐๐ง๐ฌ – Nagapanindugan ang girlfriend sang Corps Commander sa Reserve Officersโ Training Corps (ROTC) sa Passi City College sa Passi City nga ang ginhimo nga hazing sa iya boyfriend amo ang rason sa paghikog sini.
Ang biktima amo si JP Mombay, 3rd year Bachelor of Science in Criminology.
Sa interview sang Bombo Radyo kay Jessa Mae Tomo, iya ginpahayag nga tuman nga ginbatyag sang iya boyfriend ang ginhimo nga hazing sa iya.
Suno kay Tomo, gin-ako mismo sang iya boyfriend nga samtang naka-topless ini, ginbulos-bulusan siya sumbag siya sa dughan kag ginsulok-sulok sang iya mga seniors sa ROTC.
Ginpahayag sini nga wala nakahibalo si Mombay kun san-o matupa kag kun sin-o ang nagsumbag sa biktima bangud naka-blindfold ini.
May mga pictures man ini nga ginpadala sa iya girlfriend sa diin makit-an nga puno ini sang lagob.
Magluwas diri, nagasuka man ini sang dugo.
Sa ulihi, nagdulot ini sang stress kag depression sa biktima.
Bangud sa natabo, naghikog na ang biktima sa sulod sang iya boarding house sa Tubod, Passi City.
Una diri, nagpahayag na ang pamilya ni Mombay nga desidido sila nga pasakaan sang kaso ang mga nagpatigayon sang hazing sa iya anak.
Bukas naman ang Bombo Radyo sa paathag sang Passi City College.
