Health Care Proxy Ordinance, pasado na sa Iloilo City Council

Natigayon na nga mapasar sa Iloilo City Council ang ordinansa nga ginduso ni Iloilo City Councilor Jose Maria “Nene” de la Llana nga Health Care Proxy Ordinance.

Ini amo ang ordinansa nga nagatuyo nga mas mangin madasig ang medical services sa mga pasyente sang siudad nga wala sang pamilya nga magdesisyon nahanungod sa ila ikaayong lawas kag maka-appoint sang isa ka indibidwal nga mangin iya Health Care Agent.

Lakip diri amo ang mga LGBTQIA+ members nga luyag nga maghatag sang kahigayunan sa ila partners nga mangin health care agent sa tion nga may ara sang medical emergencies.

Nahibaluan nga isa ang siudad sang Iloilo sa mga lugar sa Pilipinas nga nagpatigayon nga mapasar ang nasambit nga ordinansa agud nga makadesisyon gilayon ang mga pumuluyo kun health care ang hambalan.