Yara na sa moderate risk ang health care utilization rate sang bug-os nga Western Visayas.
Sa interview sang Bombo Radyo kay Dr. Daphynie Teorima, Medical Officer III sang Department of Health (DOH) Region VI, iya ginpahayag nga may yara pa sang 248 reserve beds para sa COVID-19 patients ang rehiyon, 559 ka ward, 1,320 ka isolation beds kag 176 ka mechanical ventilation.
Suno kay Teorima, agud malikawan ang over-utilization ukon pagkakulang sang mga hospital equipments, ginrekomenda nila sa kada local chief executive nga mas hugtan ang mga pagsulundan agud malikawan ang paglatnanay sang COVID-19 kag mapunggan ang nagalala nga sitwasyon sa mga ospital nga adlaw-adlaw nagakapun-an sang mga pasyente.
Pahayag niya, nagapapadayon man ang ila pagpangita sang suppliers sang oxygen agud mapreparahan ang pagtimbuok sang COVID-19.
