Ginclassify ang probinysa sang Iloilo bilang low risk sa COVID-19.
Ini ang isa sa dako nga rason kun ngaa ginaduso sang Iloilo Province sa COVID-19 Inter-Agency Task Force for the Management of Emerging Infectious Diseases (IATF-EID) nga indi pagdayunon ang pagpaidalom sa probinsya sa Enhanced Community Quarantine (ECQ) status.
Sa interview sang Bombo Radyo kay Iloilo Provincial Administrator Atty. Suzette Mamon, iya ginpahayag nga ginpadala na sang probinsya ang letter of appeal sa IATF sa diin nakasaad nga yara lamang sa 57.5 percent ang health care utilization rate sang Iloilo Province sa diin nakasulod pa ini sa parameter ukon talaksan sang Department of Health.
Suno kay Mamon, nagnubo man sa 17 percent ang average daily attack rate (ADAR) sang COVID-19 sa probinsya sa sulod lamang sang duha ka semana sang bulan sang Hulyo.
Nadugangan man ang COVID-19 bed capacity sang probinsya sa 50 percent.
Pahayag ni Mamon, magluwas diri, wala man untat ang Iloilo Province sa pagmanage sa COVID-19 cases.
Bangud sini suno sa natungdan, nagakadapat nga ipabilin sang gobyerno sa MECQ ang status sang probinsya agud mabalanse man ang ekonomiya kag indi madulaan sang trabaho ang mga mamumugon.
