SHANGHAI, CHINA– Padayun nga ginamonitor sang medical team sang China ang kondisyon sang mga seafarers nga yara sa isa ka barko sa Shanghai, China.
Sa report ni Bombo International Correspondent Aldrin Alkonga, direkta sa China, iya ginpahayag yara lang sila sa ila barko sa kag indi sila mahimo makapanog bangud sa pamahog sang Coronavirus disease 2019.
Suno kay Alkonga, ginkuhaan man sila sang swab samples kag padayun ang monitoring.
Pahayag pa niya, kun may yara sila sang kaupdanan nga nagalain ang pamatyag, indi ang mga ini mahimo makasulod sa pwerto mismo sang amo nga pungsod.
Strikto suno kay Alkonga ang ginapatuman nga mga health protocols sang pungsod China sa mga nagasulod nga mga barko bangud man sa COVID-19.
Sa subong suno sa iya, nagapangamuyo lang sila nga kuntani wala lang sang may mga magpositibo sa ila, kag mangin maayo lang ang ila kahimtangan apisar sang mabudlay nga sitwasyon tuga sang pandemic.
