Atensyon sa mga tawo nga masami nagahuragok kun nagakatulog!

Ang paghuragok ang isa ka kondisyon nga mahimo makaapekto sa bisan sin-o nga tawo apang kumon ini sa mga kalalakihan kag mga tawo nga overweight.

Suno kay Dr. Jen Cruz , isa ka family medicine nga nabase sa Estados Unidos, kun kaisa,ang paghuragok ang indikasyon sang iban nga problema sa ikaayong lawas.

Nagakatabo ang paghuragok kun ang alagyan sang hangin gikan sa ilong ukon bibig ang nagakabalabagan.

Panugyan sang eksperto, mag-diet, matulog sang insakto sa oras, matulog nga nagatakilid kag indi nga nagahapa kag likawan ang pagpanigarilyo kag pag-inom sang makahulubog nga ilimnon.