Suportado ni Dr. Ian Padilla ang pagpaidalom sa syudad sang Iloilo sa alert level 1.
Sa interview sang Bombo Radyo kay Padilla, iya ginpahayag nga isa siya sa mga nagpirma sang recommendation nga ipaidalom ang syudad sa alert level 1.
Base sa datos, naganubo na ang healtcare utilization rate (HCUR) kag average daily attack rate (ADAR) sang syudad.
Dugang pa ni Padilla, ang mga pasyente sa mga ospital sa syudad ang indi lunsay mga residente sang Iloilo City bangud madamo sang gina-refer nga pasyente diri sa mga tertiary hospitals nagikan sa iban nga mga probinsya.
Ang pag-require sang vaccination card ang nakadepende naman sa syudad sang Iloilo.
Dako naman ang nabulig sang vaccination program sa pagnubo sang kaso sang COVID-19 sa syudad.
