Naka-eksperyensya kana bala nga daw kaangay nga nagalibot ang kalibutan?
Indi tungod nga nagahigugma ka ha kundi bangud sa tuman nga paglingin sang imo ulo.
Mahimo nga may yara ikaw sang Vertigo.
Apang pamangkot sang kadam-an, pang-forever na bala ini?
Gin-athag ni Dr. Isaac David Ampil II, isa ka oncologist, nga ang vertigo ang indi makabig nga sakit kundi sintomas sang mga balatian.
Kun ang kabangdanan sang vertigo amo ang mga “acute” nga balatian kaangay sang impeksyon ukon nagakaangkon sang sinusitis, madula man ang vertigo kun madula naman ang mga nasambit nga balatian.
Apang pahayag sang doktor, may yara man sang mga balatian nga nagadugay kaangay sang stroke nga mahimo halinan sang vertigo kag mangin rason naman sang liwat nga pag-atake sang tuman nga lingin sang imo ulo.
Paathag ni Ampil, indi man makabig nga pang-forever ang vertigo bangud may yara ini sang bulong agud mahagan-hagan ang pag-atake.
