Atensyon sa mga kababaihan.
Iregular bala ang pag-abot sang imo menstruation?
Nagpanugyan ang mga health expert sa mga babayi nga naka-eksperyensya sang iregular nga menstruation ukon tuman ka sakit nga nabatyagan sa pus-on sa tion nga mag-abot ang imo ‘bisita’ nga magpakonsulta gilayon sa espesyalista.
Suno kay Dr. Maynila Domingo, isa ka obstetrician-gynecologist, mahimo nga sintomas na ini sang endometriosis ukon polycystic ovary syndrome (PCOS).
Ang endometriosis ang isa ka sahi sang balatian sa diin indi makaguwa ang tanan nga dugo sa baylo nagatipon lamang ini sa sulod sang lawas.
Mahimo ini nga mangin bukol kun indi mapaguwa ang mga dugo kag mangin rason man sa infertility.
Santu sa datos sang World Health Organization (WHO), 11% sang mga babayi sa kalibutan nga yara sa reproductive age nga 15-44 anyos ang may sakit nga endometriosis.
Samtang 27% naman sa mga babayi nga yara sa reproductive age ang may yara sang gina-batyag nga PCOS.
Malikawan man ang pag-angkon sang mga nasambit nga balatian kun insakto ang diet kag lifestyle.
