Atensyon sa mga empleyado!
Summer na! Mabudlay para sa mga empleyado nga sa tagsa ka adlaw nga pagpadulong nila sa trabaho, tuman ang kainit sang tyempo.
Kun kaisa ini pa ang rason kun ngaa mabaho kag mapilit ang isa ka tawo.
Apang indi magkabalaka bangud naghatag ang Occupational Safety and Health Administration sang survival tips agud malikawan ang mga risgo sa ikaayong lawas sa subong nga mainit ang tyempo.
Bangud sa masami kita nga ginabalhas, madasig kita nga ma-dehydrate.
Gani, mag inom sang walo ka baso nga tubig adlaw-adlaw sa balay man ukon sa trabaho.
Likawan man ang pag-inom sang mga alcolohic kag caffeinated nga ilimnon bangud mahimo nga mag-lala ang dehydration sa lawas.
Likawan man ang pagsuksok sang madamol kag dark colored nga mga panapton agud mas presko ang pamatyag.
Mahimo nga magsuksok sang long sleeves ukon pullovers nga cotton.
Kun airconditioned ang inyo nga opisina, magdala na lamang sang jacket agud nga indi paglamigon.
Nagakadapat man nga magdala sang payong, kuyab kag shades.
Photo from filwebasia
Makabulig ini agud nga mas mapadali kag kumportable ang imo pag-commute padulong sa trabaho.
Kun hassle ang pagdala sang kuyab, magdala na lang sang portable fan kun may yara.
Pahidan man sang sunscreen sa nawong antes mag make-up para sa mga babayi kag mga parte sang lawas nga mahimo masilakan sang adlaw antes maguwa sa balay.
Photo from filwebasia
Ini ang proteksyon sa panit gikan sa UV rays nga mahimo magtuga sang mga sakit sa panit kaangay sang sunburn ukon skin carcer.
Pilion ang SPF 2R5 pataas.
Photo from filwebasia
Suhestyon sang mga eksperto, kun wala naman sang trabaho, mas maayo nga magpabilin na lamang sa inyo balay agud nga malikawan ang heatstroke.
