Ginahimoan na sang pamaagi sang Iloilo Provincial Government agud mapanubo ang Healthcare Utilization Rate sang mga pribado kag pampubliko nga mga ospital sa probinsya.
Sa interview sang Bombo Radyo kay Iloilo Provincial Administrator Atty. Suzette Mamon, iya ginpahayag nga ginaplastar na kun paano mabuligan ang Iloilo tertiary hospitals sa pagpanubo sang healthcare utilization rate.
Suno kay Mamon, pila ka mga lihok ang luyag nga ipatuman sang provincial government kag ini ang mga masunod;
*Pag-maximize sang temporary treatment kag monitoring facility sang probinsya.
*Pagpatuman ang referral system
*Pag-establisar sang Critical Care Unit sa Iloilo Provincial Hospital sa Pototan, Iloilo kag;
*Pag-hire sang dugang nga human resource health workers sa district kag city hospitals lakip na sa Western Visayas Medical Center kag West Visayas State University Medical Center .
