Healthcare utilization rate, basehan kun ngaa ginpaidalom sa ECQ ang syudad sang Iloilo

Naalarma si Iloilo City Mayor Jerry Treñas sang ginpaidalom sang Department of Health (DOH) ang syudad sang Iloilo sa Alert Level 4.

Sa interview sang Bombo Radyo kay Mayor Treñas, iya ginpahayag nga posible may yara na sang community transmissions sang COVID-19 Delta variant sa syudad.

Bangud sini, nakigsapol ang alkalde sa mga pamunuan sang ospital kaupod si DOH Undersecretary Leopoldo Vega agud nga masolusyonan ang problema.

Lakip sa mga pagahimuon amo ang mga masunod;

*Pagpasangkad sang active case findings kag community testing pinaagi sa nasal kag throat swabs.
*Pagpatigayon sang priority tracing sa close contact sang Delta case kag tanan nga mga positibo sa nasambit nga variant ang tatapon sa kaangay nga quarantine facility.
(BEDS IN ILOILO CITY)
Ginahanda naman pahayag sang alkalde ang 1,500 beds sa isolation facilities sa tion nga magdamo ang kaso sang Delta variant sa syudad.

Dugang pa sang alkalde, ang healthcare utilization rate ang ginbasehan sang Inter-Agency Task Force (IATF) kun ngaa yara sa Enhanced Community Quarantine (ECQ) ang syudad apisar nga mas manubo man ang kaso sang COVID-19 ipaanggid sa probinsya sang Iloilo.

Ang COVID beds kag intensive care unit (ICU) beds sang syudad ang puno gid samtang halog naman ang COVID beds kag wala sang ICU beds ang probinsya rason nga yara ini napaidalom sa modified ECQ.