Nagsaka sa 2,808 nga mga healthcare workers ang infected sang Coronavirus Disease 2019 (COVID-19) base sa rekord sang Department of Health.
Nagdugang naman sang isa ka healthcare worker ang napatay sa diin nagdangat na sa 33 ang pangkabug-osan as of June 10.
Humalin sang Mayo 29 tubtob Hunyo 9, wala sang COVID-19-related death nga health workers ang na rekord.
Samtang, 1,664 naman nga mga health workers ang naka recover na sa nasambit nga balati-an.
Ang 1,111 active cases naman ang ginapa-idalom pa sa pagbulong ukon quarantine.
Sa nasambit nnga numero, 973 diri ang mild cases, 173 ang asymptomatic samtang isa naman ang may severe condition.
Sa subong, naka rekord na ang Pilipinas sang 24,175 ka mga kaso sang COVID-19 , 5,165 ang mga naka-recover samtang 1,036 ang patay.
