Gintuad sang isa ka public health expert nga ginabanta 74,000 ka mga Pinoy ang napatay bangud sa ischemic heart disease.
Sa interview sang Bombo Radyo kay Dr. Rafael Martin Hilado, Thoracic and Cardiovascular Surgeon sa Western Visayas Medical Center (WVMC), iya ginpahayag nga ginatawag man ang amo nga balatian nga coronary artery disease kag coronary heart disease.
Suno kay Hilado, kon ang mga arteries nagakipot, mas magamay ang dugo kag oxygen ang nagalab-ot sa heart muscle nga mahimo magtuga sang heart attack.
Gin-athag man sini nga mahimo malikawan ang amo nga balatian kon bag-uhon ang lifestyle changes.
Lakip na ang paguntat sang pagpanigarilyo, pag-exercise, 7-9 hours sleep, kag pagkaon sang healthy diet.
Suno naman kay Dr. Marcelino Felisarta, Adult Cardiologist sa Western Visayas Medical Center, iya ginpahayag nga wala sang pili ang cardio vascular diseases, mapa-bata man ukon tigulang.
Ginpahayag man sini nga majority sang ila pasyente nga naga-angkon sang amo nga balatian ang naga-edad 50-60 anyos.
