Nagpanugyan ang isa ka medical expert sa publiko nga importante ang pag-angkon sang healthy living sa pagsug-alaw sang bag-ong tuig.
Sa interview sang Bombo Radyo kay Dr. Elvin Tiangha, iya ginpahayag nga ang tuig 2020 ang gintunaan sang pagbag-o sang lifestyle sang pumuluyo bangud sa COVID-19 pandemic.
Apektado man suno kay Dr. Tiangha indi lamang ang pagkaon sang isa ka tawo apang amo man ang mental, spiritual, kag physical nga aspeto.
Bangud sini nagpanugyan ang doktor nga kun mahimo ulikdan gid ang pagkaon sang healthy angay sang utan, prutas kag pag-inom sang madamo nga tubig.
Likawan man suno sa natungdan ang tuman ka mga matam-is kag ma-asin nga pagkaon.
Pahayag ni Dr. Tiangha, ang aton ginakaon ang nagaapekto man sa aton immunity sa diin tuman ka importante bangud sa ginapangatubang ng pagpanghangkat bangud sa coronavirus 2019.
Magluwas sini, importante man suno ky Dr. Tiangha ang physical activity angay sang gardening, pag-exercise kag yoga.
Ang pagpasinalamaton ang makabulig man pasangkad sang mental kag physical health sang isa ka tawo.
Dugang pa sang natungdan, dako man nga butang ang masami nga pagpangamuyo kag pagdangop sa Ginoo agud mapamaayo ang kahimtangan sa spiritual nga health.
